ماتيجى 🛑 أكلمك عن تجربتى مع العملاء؟
فى رمضان من 3 سنين /
📌 فى رمضان من 3 سنين، كان أول عميل أقبض منه مقابل نظير حل مشكلة، والمقابل كان 1500 جنيه.
⏳ شخرت له قبل الفطار بساعتين – استغفر الله العظيم وأتوب إليه وأتبرأ مما حدث من وساوس الشيطان وخطأي –
فاكرها والله زى النهارده!
🛠 اشتغلت معاه 4 شهور لحل مشكلة أدسنس متعلق فيه 500 دولار، وبعد ما المشكلة اتحلت وطلبت منه المقابل 1500 جنيه، قال لي: كتير.. هو أنت عملت إيه؟
📌 من يومها، اتعلمت إني أختار العملاء اللي بتعامل معاهم علشان ما أوصلش للمرحلة دي تاني من العصبية أو رفض المجتمع والتمرد عليه.
اتنصب عليا يا فوزي /
🔹 أول ما بدأت أشتغل، جالي شغل كتير جدًا، وكنت بقدم الخدمات بمقابل رمزي جدًا، وده وقعني في مشاكل كتيرة.
💰 أكثرها حضورًا في الذاكرة، قصة قناة اسمها تلاتات لما نصبوا عليا في حساب استعادة القناة بعد اختراقها وكان 3000 جنيه!
كان اختبار صعب بالنسبة لي… هو منطقي أرجع للناس حقوقها وماعرفش أرجع حقي؟
⚖️ تعاليم الإسلام، أخلاق المهنة، والقوانين تجبرني إني ما آخدش إجراء عدائي ضد أي عميل، بس اتعلمت من وقتها إني آخد مقابل أتعاب ومقدم 50% من أي شغل جديد.
🎯 مش عاوز أقول أنا وصلت لفين النهارده، ولكن يكفي إن كتير من أسماء الناس اللي أنا اتعاملت معاها هي علي درجة كبيرة من الخصوصية انه يتم التصريح عنها.
❓ بتقول الكلام ده ليه يا ماتريكس؟
باقوله لأن العملاء بتوعي من حضراتكم، وأنا حزين إني زعلت النهارده اتنين عملاء لأنهم طرف ثالث.
🚫 أنا مش من الناس اللي بتشتغل مع طرف ثالث، يعني ماينفعش حضرتك تكون وسيط بيني وبين العميل، وده للأسف عن تجربة!
مش بيكون عندي الصلاحيات الكافية للتعامل ولا باحس بالتقدير الكافي اللي يحفز جوايا الشغف اني احل المشكلة.
أول عقد فسخته :
⚡ أول عقد فسخته مع عميل كان مدير مصنع
المصنع صفحته اتسرقت بسبب اختراق حساب الفيس بوك المملوك لمدير قسم ال IT
والصفحة بينزل عليها محتوى إباحي.
والوسيط كان مدير فرع الـIT لما المصيبة حصلت, مدير المصنع قال له اتصرف, ف جالي!
📄 أول القصيدة، إحنا محتاجين نكتب تعاقد ونوقعه في المصنع…
🔅 رحت المصنع وركنت عربيتي بره في الشمس في المنطقة الصناعية الساعة 12 الظهر،
🔅 سيبت بطاقتي على البوابة،
🔅انتظرت المدير لما خلص اجتماعات، ودخلنا له نوقع التعاقد.
💸 أتذكر التعاقد كان بقيمة 15 ألف جنيه، فاصل معايا في 5 آلاف وقال لي بالحرف: “مدير قسم الـIT هو اللي حيشيلهم، فخليها عليك إنت المرة دي يا هندسة!”
😤 بيني وبين نفسي أنا خليت عليا كتير من احساسي بعدم التقدير، من أول ركنة العربية في الشارع، لحد البطاقة اللي سيبتها على الباب!
⏳ مر 45 يوم مدة التعاقد، وفسخنا العقد وعملت له Refund.
حاولت أغصب على نفسي بس ما جاليش نفس أشتغل في القضية.
فاكر وقتها كان فسخ التعاقد فيه بند 5 الاف جنيه اتعاب لا تسترد ” انا كنت حريص اني اعمل Refund للمبلغ بالكامل”
📢 من يومها، اتعلمت إني ما أتعاملش مع وسيط، إلا لو كان ولي الأمر أو ما ينوب عنه ومعاه كافة الصلاحيات.
🙏 أنا آسف للناس اللي زعلت مني النهارده، بحبكم في الله ❤️، بس الأيام علمتني كتير، وبقيت بقفش بسرعة لما قلبي يحن للعِشرة وما ألاقيش تقدير!
