حقيقة منصة هوج بول Hogg Pool

Matrix219
منشور: تاريخ اخر تحديث 2.5K Views

ناس كتير سألتني عن رأيي في منصة هوج بول Hogg Pool وهل هي نصب ولا هي منصة حقيقية ممكن نستخدمها في الربح من الانترنت, وده اللي حنشوفه مع بعض في تدوينة النهاردة.

منصة هوج بول :

هوج بول هي منصة بتسجل فيها برقم تليفونك والبريد الالكتروني. وتقدر من خلالها تلعب قمار أو تشتغل تعدين أو ترسل دعوات لأصدقائك وتكسب عن طريق التسويق الشبكي.

هل منصة هوج بول نصابة ؟

أي حد بيفهم حيقدر يحدد ان الحدوته نصب // سواء من الموقع الوهمي اللي اتعمل من 4 شهور, او من السجل التجاري والبطاقة الضريبية اللي باسم محمد جمعه, أو المواقع تم انشاءها في 14 أغسطس 2022 يعني من 4 شهور.

  • الشركة بتدعي انها ليها مقرات في امريكا وكندا بأوراق رسمية, ومع ذلك مفيش أي عنوان واضح للشركة او اسم شخص للتواصل بشكل مباشر.
  • الصور اللي موجوده علي خرائط جوجل صور تسويق شبكي في مصر, ايا كان النشاط ايه وقت ما اتصورت الصور.

اللي بدأ الفقاعة في مصر شركة تسويق عقاري في المقطم, وسهل توصل لها برقم التليفون اللي موجود علي خرائط جوجل.

رأيي في منصة هوج بول :

منصة هوج بول نصباية كبيرة ومصر مرحلة مش اكتر, واعتقد اننا قريب جدا ح نقرأ علي صفحة وزارة الداخلية بيان بتفاصيل القبض علي المسوقين للمنصة في مصر. وكمان المنصة كبيرها شهر وح تختفي من علي الانترنت وكل الناس اللي اشتغلت عليها ح تخسر فلوسها.
التعدين والقمار مُجرم قانونا في مصر.

المنصة هي منصة نصب باستخدام التسويق شبكي. واللي بيروجوا لها في مصر مش اكثر من ضحايا اجلا ام عاجلا ح يتقبض او يتنصب عليهم. أو ناس شغالة في الـ CPA وبرده كتير منهم ح يتقبض عليهم.


تحديث /

نص خبر القبض علي عصابة هوجبول من صفحة وزارة الداخلية المصرية في 4 مارس 2023 :

كشف ملابسات ما تبلغ من عدد من المواطنين بتضررهم من القائمين على إدارة تطبيق (Hog_Pool) على شبكة الإنترنت لقيامهم بالنصب والإحتيال عليهم والإستيلاء على أموالهم عن طريق إيهامهم بإستثمار أموالهم لتحقيق أرباح يومية بإستخدام التطبيق المشار إليه إلا أنهم فوجئوا بغلق التطبيق عقب الإستيلاء على أموالهم التى بلغ إجماليها حوالى (19مليون جنيه).

تمكنت الأجهزة الأمنية من خلال إجراء التحريات وجمع المعلومات والتعامل الفنى من تحديد ورصد عناصر تلك الشبكة الإجرامية القائمين على إدارة التطبيق المشار إليه وتبين أنهم (29 شخص “13 منهم يحملون جنسية إحدى الدول الأجنبية”) وإتخاذهم من عدد (2) فيلا سكنية بالقاهرة مقراً لمزاولة نشاطهم غير المشروع.

وعقب تقنين الإجراءات تم إستهدافهم وأمكن ضبطهم وبحوزتهم (95 هاتف محمول – 3367 خط هاتف محمول – 9 أجهزة مودم رسائل جماعية – 7جهاز حاسب آلى – 39 شاشة كمبيوتر ومشتملاتها – 3 سيارات – مبالغ مالية عملات محلية وأجنبية “بلغت حوالى 600 ألف جنية”
​​​– عدد 41 كارت إئتمانى لبنوك بالخارج)..

وبمواجهتهم إعترفوا بتكوينهم تشكيل عصابى إستهدف راغبى تحقيق المكاسب المالية السريعة عبر شبكة الإنترنت وإستيلائهم على أموالهم عن طريق عدد من المحافظ الإلكترونية (بلغ عددها 88 محفظة) والتى يتم توزيعها عقب ذلك على العديد من المحافظ الإلكترونية الأخرى (بلغ عددها 9965 محفظة) تجنباً للرصد الأمنى وتمهيداً لتحويلها للخارج لصالحهم من خلال برامج عبر شبكة الإنترنت لشراء عملات رقمية مشفرة “بيتكوين” (جارى إتخاذ الإجراءات اللازمة للتحفظ على المحافظ الإلكترونية المرصودة وتتبع الأموال المحولة للخارج عبر الإنتربول الدولى)، كما أقروا أنهم قاموا بإغلاق التطبيق بعد تمكنهم من الإستيلاء على تلك الأموال ، وأنهم كانوا بصدد إطلاق تطبيق إلكترونى آخر تحت مسمى (RIOT#) لذات الغرض فى إطار إستكمال نشاطهم الإجرامى.. تم إتخاذ الإجراءات القانونية..

وتولت النيابة العامة التحقيق. وتهيب وزارة الداخلية بالمواطنين عدم الإنسياق خلف تلك التطبيقات المجهولة المصدر التى يتم بثها عبر شبكة الإنترنت بزعم تحقيق الأرباح المالية للمشاركين بها بشكل غير منطقى حرصاً على عدم تعرضهم للنصب والإحتيال من تشكيلات عصابية دولية.

 

 


2 تعليقات

سانتى طلعت 02/03/2023 - 01:26

لما يتقبض عليهم الناس هتاخد فلوسها اللى ضاعت ؟

Matrix219 02/03/2023 - 21:36

للأسف لا اعتقد ذلك.
الفلوس اللي راحت راحت خلاص.

أترك تعليق

Related Topics

This website uses cookies to improve your experience. We'll assume you're ok with this, but you can opt-out if you wish. Accept Read More